प्रतिनिधी विनोद हिंगमिरे औरंगाबाद जिल्हा मध्यवर्ती सहकारी बँक, शाखा शिवना येथील मॅनेजर श्री कदम हे सिल्लोड येथील शाखेतून 5,00,000/- रुपये कापडी बॅग मध्ये घेऊन
औरंगाबाद-सोयगाव ST बस ने अजिंठा येथे येत असतांना, अजिंठा पोस्टे हद्दीतील गोळेगाव स्टाफ वर बस मधून त्यांचे बाजूस बसलेल्या 5 महिला उतरल्यानंतर कदम यांनी त्यांची बॅग तपासली असता त्यातील 2,50,000/- रुपये चोरीस गेल्याचे निदर्शनास आले, त्यांनी सदर बाब बस वाहकास सांगितले वरून त्यांनी गोळेगाव बस स्टाफ येथे नागपंचमी निमित्ताने fix point वर नेमण्यात आलेले पोना भारती व पोशि साबळे यांना तात्काळ माहिती दिली, त्यांनी सदर महिलांचा शोध घेतला असता त्या पानवदड रोडचे बाजूने शेतातून पळून जात असताना आढळून आल्याने त्यांचा पाठलाग करून त्यांचेकडील सामानाची झडती घेतली असता, चोरीस गेलेली संपूर्ण 2,50,000/- रक्कम मिळून आली.पोलीस ठाणे प्रभारी अधिकारी सपोनि विसपुते यांनी सदर ठिकाणी जाऊन खात्री करून, फिर्यादी व आरोपी महिलांसह पोलीस स्टेशन येथे घेऊन जाऊन गुरनं 178/2021 कलम 379, 34 भादवि प्रमाणे गुन्हा दाखल करण्यात आलेला असून, आरोपीताना अटक करण्यात आलेली आहे. आरोपितांनी अजून काही गुन्हे केलेले आहेत काय याबाबत पुढील तपास सुरू आहे.सदरची कामगिरी मा.श्रीमती मोक्षदा पाटील, पोलीस अधीक्षक, औरंगाबाद ग्रामीण, मा.डॉ विजय मराठे, उपविभागीय पोलीस अधिकारी,सिल्लोड यांचे मार्गदर्शनाखाली सपोनि अजित विसपुते, पोह आव्हाड, गाडेकर, पोना भारती, लोखंडे, पोशी साबळे , मपोशी काळे, वानखेडे यांनी कामगिरी केलेली आहे.