🛑 मुस्लीम समाजाच्या भावना दुखावणारा मेसेज व्हॉट्सअॅप ग्रुपवर! पीडित पत्रकार महिलेची सिल्लोड पोलीस स्टेशनला लेखी तक्रार! 
📍सिल्लोड प्रतिनिधी
दि. 18 जून 2025 रोजी, सिल्लोड येथील निलोफर सादिक शेख या 30 वर्षीय महिला पत्रकार व समाजसेविका यांनी सिल्लोड ग्रामीण पोलीस ठाण्यात एक गंभीर तक्रार दाखल केली आहे.या तक्रारीनुसार, मंगरुळ गावातील "मंगरुळ ग्रुप" नावाच्या व्हॉट्सअॅप ग्रुपमध्ये एका व्यक्तीने मुस्लीम समाजाविरोधात अत्यंत आक्षेपार्ह, अश्लील आणि धार्मिक भावना दुखावणारा मजकूर आणि व्हिडिओ पोस्ट केला.📲 या व्हॉट्सअॅप ग्रुपचा अॅडमिन निवृत्ती वरपे असून, आरोपीचे नाव विष्णु पालोदे, रा. मंगरुळ आहे. त्याने आपल्या मोबाईल नंबरवरून एक अश्लील व्हिडीओ आणि द्वेषमूलक मजकूर ग्रुपवर पाठवला. त्यामध्ये मुस्लीम महिलांबद्दल अत्यंत अपमानास्पद व अवमानकारक भाषा वापरली गेली आहे.🧕 निलोफर शेख व इतर मुस्लिम बांधवांनी तो मेसेज वाचून त्याविषयी तीव्र नाराजी व्यक्त केली असून, त्यामध्ये धार्मिक भावना दुखावल्या गेल्या आहेत. त्यामुळे आरोपीवर कडक कायदेशीर कारवाई करण्यात यावी, अशी मागणी त्यांनी पोलीसांकडे केली आहे. 📝 निलोफर शेख यांनी सिल्लोड ग्रामीण पोलीस ठाण्यात हजर राहून स्वतःची लेखी तक्रार दाखल केली असून, त्यांचा जबाब पोलिसांनी संगणकावर टंकलिखित करून घेतला आहे. सदर जबाब त्यांनी वाचून मान्य केल्याचे पोलीसांकडून सांगण्यात आले आहे.👮♀️ पोलीस याप्रकरणी पुढील तपास करत असून, व्हॉट्सअॅपवरील आक्षेपार्ह मजकूर आणि आरोपीच्या मोबाईलचा तपास सुरू केला आहे.📰