आता गॅस सिलेंडर च्या डिलिव्हरी साठी ओटीपी झाला आवश्यक*
*ओटीपी सांगितल्या शिवाय गॅस सिलेंडरची डिलिव्हरी नाही
*गॅस सिलेंडर ची मॅन्युअल बुकिंग झाली रद्द* महाराष्ट्र राज्य ब्यूरो चीफ कदीर आर पटेल:
चालू महिन्यात शहरातील सर्वच एलपीजी कंपनीच्या वितरकांनी आता ग्राहकांना ऑनलाइन बुकिंग केल्यानंतर मोबाइल वर येणारा ओटीपी सांगणे बंधनकारक केले आहे.त्यामुळे जेव्हा तुमच्या घरी सिलेंडर डिलेव्हरीसाठी एखादी व्यक्ती येईल, तेव्हा तुम्हाला त्या व्यक्तीला तो DAC सांगावा लागेल.ती व्यक्ती मग तुम्ही सांगितलेला OTP सिस्टमसोबत तपासून पाहणार, आणि जर दोन्हीचा ताळमेळ बसला तरच तुमची गॅस डिलेव्हरी यशस्वी होईल.मात्र जर तुम्ही किंवा ज्या फोनवरून तुम्ही सिलेंडर बुक केलं आहे, तो घरी नसेल तर मात्र घरच्यांची थोडी तारांबळ उडू शकते. त्यामुळे यापुढे गॅस सिलेंडर घेताना जरा प्लॅनिंग करावं लागेल. आधीच गॅस बुकिंग कन्फर्म झाल्याचा मेसेज घरातील इतरांनाही पाठवून ठेवावा लागणार आहे.आजवर तुम्ही घरगुती गॅस सिलेंडरसाठी जशी बुकिंग करत होता, यापुढेही त्याच पद्धतीने फोनवरूनच बुकिंग करावं लागणार आहे. मात्र आता ही पद्धत सुरक्षित करण्यासाठी नवीन नियम लागू करण्यात आले आहेत.ज्यामध्ये सिलेंडरच्या डिलिव्हरीसाठी ओटीपी गरजेचा असणार आहे.मात्र असे असले तरी या नव्या नियमाने ग्राहकांची चांगलीच तारांबळ उडाली असून.सिलेंडर साठी वितरकांसोबत अनेकदा खटके उडतांनाचे चित्र दृष्टिपथात पडत आहेत,घरगुती वापराचा सिलेंडर बुक केल्यावर काही दिवसांनंतर एजन्सीचे कर्मचारी तो घरपोच करतात अशी सध्याची पद्धत आहे.मात्र यात आता महत्वाचा बदल होणार आहे. आता सिलेंडरच्या डिलिव्हरीसाठी ओटीपी गरजेचा असेल. ओटीपीशिवाय सिलेंडरची होम डिलेव्हरी होणार नाही. सिलेंडर ऑनलाईन बुक करताना ग्राहकांना पैसे भरावे लागतील. यानंतर ग्राहकांच्या नोंदणी केलेल्या मोबाईल क्रमांकावर ओटीपी येईल. गॅस एजन्सीचा कर्मचारी सिलेंडरची डिलेव्हरी करण्यासाठी घरी आल्यावर ग्राहकांना हा ओटीपी दाखवावा लागेल. अन्यथा ग्राहकांना सिलेंडर मिळणार नसल्याचे वितरक सांगत आहेत.
कशी असेल ही प्रक्रिया ?एच पी गॅस वितरक सचिन ढमाळ यांनी दिलेल्या माहितीनुसार घरगुती गॅसची बुकींग करण्यावरच आता ही प्रक्रिया थांबणार नाही. बुकींगनंतर ग्राहकांना त्यांच्या मोबाईल क्रमांकावर एक OTP पाठवण्यात येईल. ज्यावेळी सिलेंडर डिलिव्हरी बॉय घरी येईल, तेव्हा त्या व्यक्तीसोबत ग्राहकांनी हा ओटीपी शेअर करणं अपेक्षित असेल. प्रथम DAC चा वापर हा १०० स्मार्ट शहरांमध्ये केला गेला आहे. या करिता काही शहरांमध्ये पायलट प्रोजेक्टही सुरु आहे.ग्राहकांचा मोबाईल नंबर अपडेट नसल्यास डिलीव्हरी पर्सन एका ऍपच्या माध्यमातून याला Real time अपडेटही करु शकणार आहे. म्हणजे डिलिव्हरीच्या वेळी त्या ऍपच्या सहाय्यानं तुम्ही मोबाईल नंबर डिलिव्हरी बॉयच्या सहाय्यानं अपडेट करु शकाल.ऍपच्या माध्यमातून Real time बेसिसवर मोबाईल क्रमांक अपडेट होईल. त्यानंतर त्याच क्रमांकावर कोड जनरेट करण्याची सुविधाही देण्यात येणार आहे.
 |