नादरपूर फाटा परिसरातील अपघातात जखमी युवकाचा उपचारादरम्यान मृत्यू

📰 नादरपूर फाटा परिसरातील अपघातात जखमी युवकाचा उपचारादरम्यान मृत्यू
(पिशोर प्रतिनिधी अस्लम शेख) 

कन्नड तालुक्यातील जवखेडा खुर्द येथील आजिनाथ साहेबराव काचोळे (वय ३४) यांचा नादरपूर फाटा परिसरात झालेल्या मोटार अपघातात जखमी झाल्यानंतर उपचारादरम्यान मृत्यू झाला आहे. हा अपघात २१ ऑक्टोबर दिवाळीच्या दिवशी, संध्याकाळी सुमारे सातच्या सुमारास घडला होता.

अपघातानंतर आजिनाथ काचोळे यांना तातडीने पिशोर ग्रामीण रुग्णालयात दाखल करून पुढील उपचारासाठी छत्रपती संभाजीनगर येथील घाटी रुग्णालयात हलवण्यात आले होते. वार्ड क्रमांक १७ मध्ये त्यांच्यावर उपचार सुरू असताना, २२ ऑक्टोबर रोजी मध्यरात्री त्यांचा मृत्यू झाला. गंभीर जखमेमुळे मृत्यू झाल्याचे प्राथमिक माहितीतून समोर आले आहे.

मृतदेहावर बुधवारी दुपारी त्यांच्या मूळ गावी जवखेडा खुर्द येथे अंत्यसंस्कार करण्यात आले.
या प्रकरणात एम.एल.सी. क्र. १७४२२/ARV/२५ तसेच अ.मृ. क्र. ८६/२५, कलम १९४ बी.एन.एस.एस. अंतर्गत पिशोर पोलीस ठाण्यात अकस्मात मृत्यूची नोंद करण्यात आली आहे.

या घटनेचा पुढील तपास सहाय्यक पोलीस निरीक्षक शिवाजी नागवे यांच्या मार्गदर्शनाखाली पो.हे.का. किरण गंडे करत आहेत.

👉 अधिक स्थानिक घडामोडींसाठी भेट द्या : www.gs9n.com
📍 स्रोत : सिल्लोड एक्सप्रेस (SX News)