चक्का जाम आंदोलनाच्या पार्श्वभूमीवर MIDC पोलिस स्टेशनला प्रहार दिव्यांग क्रांती संघटनेचं निवेदन
पारोळा (प्रतिनिधी – रोहित जाधव)
प्रहार दिव्यांग क्रांती संघटनेचे दैवत आदरणीय श्री ओमप्रकाश (बच्चू भाऊ) कडू यांच्या आदेशानुसार दिनांक 24 जुलै 2025 रोजी शिरसोली प्र.न. येथे 7/12 कोरा कोरा आंदोलन आयोजित करण्यात येणार आहे. याआंदोलनाची पार्श्वभूमी लक्षात घेता MIDC पोलिस स्टेशन येथे निवेदन देण्यात आले.
हे आंदोलन शेतकरी व शेतमजूर यांच्या न्यायहक्कासाठी असून, राष्ट्रीय महामार्ग – पाचोरा रस्त्यावरील शिरसोली परिसरात चक्का जाम करण्यात येणार आहे. आंदोलनाच्या अनुषंगाने प्रहार संघटनेच्या वतीने पोलिस निरीक्षक बबनराव आव्हाड यांना निवेदन सादर करण्यात आले.
या वेळी प्रहारचे विविध पदाधिकारी व सेवक उपस्थित होते. उपस्थित मान्यवरांमध्ये –
- राजुभाऊ जाधव – जिल्हा उपाध्यक्ष
- धर्मराज पाटील – जिल्हा सचिव
- रोहित जाधव – तालुका अध्यक्ष
- मनोहर बारी – प्रहार सेवक
- विठ्ठल पाटील, गणेश ताडे, ज्ञानेश्वर मोरे यांचा समावेश होता.
संघटनेने स्पष्ट केले की, जोपर्यंत शेतकऱ्यांना त्यांचे कोरे 7/12 मिळत नाहीत, तोपर्यंत अशा प्रकारचे आंदोलन सातत्याने उभारले जातील.