शेलबारी जंगलात बेकायदेशीर मुरूम उत्खनन;माती मिश्रित मुरूम खोदकाम करीत असतांना पकडला पंचविस लाखांचा मुद्देमाल जप्त
पिंपळनेर,दि.15(साक्री तालुका प्रतिनिधी अंबादास बेनुस्कर)तालुक्यातील दिघावे परिमंडळातील वनकर्मचारी गस्त करीत असताना शेलबारी फॉरेस्ट कंपार्टमेंट नंबर 221 मध्ये आरोपी पोपट सुक्राम पवार शेतकरी व कुंदन रमेश चौरे ट्रॅक्टर चालक तसेच लखन बांजी साव जेसीबी चालक हे विना परवाना जंगल क्षेत्रात जेसीबीच्या सहाय्याने माती मिश्रित मुरूम खोदकाम करीत असताना आढळून आले.याबाबत वनरक्षक दिघावे यांनी भारतीय वन अधिनियम 1927 च्या कलम 26 (1) ड,ग व 52 नुसार वनगुन्हा पि.ओ.आर 03/2025 नोंद केला असून यानुषंगाने जेसीबी व ट्रॅक्टर ट्रॉलीसह हा अंदाजे पंचविस लाख किंमतीचा मुद्देमाल जप्त करून पिंपळनेर वनपरिक्षेत्र कार्यालयात आणण्यात आला.
सदर कारवाई ओंकार ढोले,वनपरिक्षेत्र अधिकारी पिंपळनेर प्रा.यांच्या मार्गदर्शनाखाली दिघावे परिमंडळाचे वनपाल आर व्ही चौरे,परिमंडळातील वनरक्षक अनिल एम घरटे,दीपक राठोड,सविता ठाकरे तसेच वनमजूर बाजीराव पवार,ऊजेंद्र चौधरी,बबलू कुवर यांनी केली.पुढील तपास आर.व्हि.चौरे,वनपाल दिघावे हे करत आहेत.छाया:अंबादास बेनुस्कर