🩸 "सख्या भावाने घेतला सख्या भावाचा जीव!" 🔪 चाकूचे सपासप वार थेट खून 📍दिगाव, ता. कन्नड | 🔴 GS9 मराठी

किरकोड कारनाम्यामुळे सख्या भावाचा खून – मजुरीचे पैसे वाटपावरून सख्या भावाकडून चाकूने सपासप वार (पिशोर

सर्कल प्रतिनिधी - अस्लम शेख)

कन्नड तालुक्यातील दिगाव येथे किरकोळ वादातून सख्या भावाने सख्या भावाचा खून केल्याची धक्कादायक घटना १० जून रोजी सकाळी ९:३० वाजता घडली. मृत व्यक्तीचे नाव सुनिल भिमराव अव्हाड (३६, रा. दिगाव, ता. कन्नड) असे आहे.मिळालेल्या माहितीनुसार, विनोद भिमराव अव्हाड (४२) हा आरोपी, प्रकाश भिमराव अव्हाड (४४) हा फिर्यादी आणि मयत सुनिल – हे तिघे सख्या भाऊ एकाच घरात राहत होते. त्यांना मिळून बांधकाम मजुरीचे एक हजार रुपये मिळाले होते. या पैशांचे वाटप तत्काळ करावे या मुद्यावरून त्यांच्यात वाद झाला. शाब्दिक चकमक हाणामारीत बदलली आणि रागाच्या भरात विनोदने शेजारी असलेला चाकू उचलून सुनिलच्या गळ्यावर व पाठीवर सपासप वार करून त्याचा खून केला.या घटनेनंतर प्रकाश भिमराव अव्हाड यांच्या फिर्यादीवरून पिशोर पोलीस ठाण्यात गुन्हा दाखल करण्यात आला आहे. घटनेची माहिती मिळताच उपविभागीय पोलीस अधिकारी विनय कुमार ठाकुरवाड, सपोनि शिवाजी नागवे, रायटर विलास सोनवणे यांनी घटनास्थळी भेट दिली. आरोपी विनोद अव्हाड यास अटक करण्यात आली असून, पुढील तपास पिशोर पोलीस करीत आहेत.