बोगस डॉक्टरांचा शोध घेणाऱ्या समित्यांचीच बोगसगिरी
कोरोणामुळे वर्षभरात एकही कार्यवाही नाही...
सिल्लोड तालुक्यात बोगस डॉक्टरांनी गाठली शंभरी
==========सिल्लोड प्रतिनिधी विनोद हिंगमिरे
==============सिल्लोड: सिल्लोड तालुक्यात बोगस डॉक्टरांनी जवळपास शंभरी गाठली असली तरी कोरोनाचा बहाणा करून तालुका व जिल्हा स्तरावरून मागील एक वर्षात एकाही बोगस डॉक्टर विरुद्ध कार्यवाही झाली नसल्याचे समोर आले आहे.यामुळे बोगस डॉक्टरांचा शोध घेणाऱ्या समित्यांचीच बोगसगिरी यात दिसत आहे.ज्या कोरोना मुळे बोगस डॉक्टर विरुद्ध कार्यवाही झाली नाही त्याच बोगस डॉक्टरांनी कोरोना काळात अनेक रुग्णांच्या जीवाशी खेळ खेळला आहे. काही ज्ञान नसताना रुग्णांना मी कोरोना पासून तुम्हाला बर करतो कुठे जायची गरज नाही.टेस्ट करायची गरज नाही.कोरटाईन रहायची गरज नाही असे म्हणून अनेक बोगस डॉक्टरांनी अनेक रुग्णांचा बळी घेतला आहे.याला आवर घातला नाही तर आणखी अनेक रुग्णांचा जीव जाऊ शकतो. कारण खेड्या पाड्यात लोक जिल्हा व तालुका रुग्णालय तसेच सरकारी रुग्णालयात जाण्यास घाबरतात व स्थानिक पातळीवर उपचार घेतात आणि त्याचा फायदा असे डॉक्टर घेतांना दिसत आहे.2019 मध्ये शासनाने एकजीआर काढला होता त्यात गावात बोगस डॉक्टर असेल व नागरिकांच्या तक्रारी असेल तर ग्रामपंचायत स्तरावर सरपंच ग्रामसेवक व पदाधिकारी यांनी त्या डॉक्टरच्या कागदपत्रांची तपासणी करून जर तो बोगस असेल तर त्याचा अहवाल तालुका जिल्हा समितीला पाठवायचा होता.मात्र गेल्या एका वर्षात एकाही ग्रामपंचायतने बोगस डॉक्टर चा अहवाल दिला नाही हे विशेष आणि याची संधी साधून तालुका समितीने हात वर केले.व एकाही डॉक्टर विरुद्ध कार्यवाही केली नाही.खर तर आता या समितीवरच कार्यवाही करावी अशी मागणी होत आहे.=============== चौकट.सिल्लोड शहरातील एकूण रुग्णालये 120
सिल्लोड तालुक्यातील एकूण रुग्णालये 280
अधिकृत डॉक्टर कोण:-MBBS (एलोपेथी), BHMS(होमिओपॅथी), BAMS(आयुर्वेदिक) या तीन डीगऱ्या अधिकृत डॉक्टर मध्ये मोडतात.======================
सिल्लोड तालुक्यात एकही कार्यवाही नाही
सिल्लोड शहर व तालुक्यातील अंधारी,भवन, लोणवाडी, पळशी,देऊळगाव बाजार,रेलगाव,घाटनांद्रा,भराडी,तळणी, बोरगाव बाजार,केळगाव, सारोळा,राहिमाबाद,पालोद, शिवना, पानवडोद,उंडणगाव, प्राथमिक आरोग्य केंद्रा अंतर्गत ६२ बोगस डॉक्टर आहे.तर अजिंठा, अंभई, निल्लोड, आमठाणा सर्कल मधील प्राथमिक आरोग्य केंद्रा अंतर्गत जवळपास ४० च्या वर बोगस डॉक्टर बिनधास्त रुग्णांच्या जीवाशी खेळत आहे.मात्र एकाही डॉक्टर वर कार्यवाही झाली नाही.=====================
तालुका समितीत कोण असते.बोगस डॉक्टरांचा शोध घेणाऱ्या व त्यांच्यावर कार्यवाही करणाऱ्या समित्यांमध्ये गटविकास अधिकारी हा अध्यक्ष असतो तर तालुका आरोग्य अधिकारी हा सचिव असतो, तर त्या त्या गावातील वैद्यकीय अधिकारी, ग्रामसेवक त्याचे सदस्य असतात.================ कोट.कोरोनामुळे कार्यवाही झाली नाही.गेल्या वर्षभरात कोरोना मध्ये सर्व यंत्रणा लागली होती.आणि शासनाने चौकशी करण्याचे अधिकार आता ग्रामपंचायत स्तरावर दिल्याने..व तक्रारी न आल्याने वर्षभरात एकाही बोगस डॉक्टर विरुद्ध कार्यवाही झाली नाही.माझी आता बदली झाली आहे.
- योगेश राठोड प्रभारी तालुका अधिकारी सिल्लोड
