सोयगाव : शासनाच्या गौण खनिजाची खुलेआम लूट ; प्रशासन सुस्त,
माफिया सोबत महसूल विभागाची मिलीभगत
जिल्हा प्रतिनिधी सुनील चव्हाण औरंगाबाद.
लागोपाठ शासकीय सुट्ट्यांचा पुरेपूर लाभ उठावात शासनाची राॅयल्टी व वाहतुक परवाना नसतांना सोनससवाडी शिवारातील. गट क्रमांक ५४ मधे जेसीबी,चार ट्रॅक्टर व ट्राॅलीच्या सहाय्याने हजारो ब्रॉस गौण खनिजाची (मुरूम)शनिवार,रविवार व सोमवारी (दी.१६) दिवसाढवळ्या लयलूट करण्यात आली आहे. या वाहनांवर दंडात्मक कारवाई करण्यात यावी तसेच महसुल बुडविणाऱ्या माफियांवर कायद्याचा जरब बसावा अशी मागणी स्थानिक नागरिकांतून होत आहे.सोयगाव महसूल विभागाला माहिती देऊनही कारवाई होत नसल्याने महसूल प्रशासनाच्या आर्थिक देवाण घेवाणीतून गौण खनिजांची दिवसा ढवळ्या चोरी होत असल्याने यास राजकीय पुढाऱ्यांचा आशीर्वाद असल्याने जनतेत प्रशासनाविषयी नाराजीचा सूर उमटत आहे.गौण खनिज वाहतूक करणाऱ्यांची संख्या दिवसागणिक वाढत चालली असुन त्यांना महसुल विभागाच्या गौण खनिज विभागातील अधिकारी चेरीमेरी घेऊन पाठराखण करीत असल्याने शासनाचा लाखो रुपयाचा महसुल हा गिळंकृत होत आहे.सोमवारी महसुलाची कोणतीही रॉयल्टी व वाहतुकीचा परवाना नसतांना सोनसावाडी शिवारातील गट क्रमांक ५४ मधील महादेव मंदिासमोरील एकनाथ बोडखे यांच्या मालकीच्या शेतातील मुरूम जेसीबीच्या सहाय्याने दिवसाढवळ्या राजरोसपने उत्खनन करुन ४ विना नंबरचे ट्रॅक्टर-ट्राॅलीने सोयगाव - जरंडी रस्त्याने वाहतूक करण्यात येत आहे.यातील मुरूम खाजगी कामासाठी सर्रास वापर होत आहे.
कामचुकार व चेरीमेरी वृत्ती वाढल्याने शासनाच्या विभातीत पाठराखण करणारे कर्मचारी गौण खनिज व्यवसाईकास भ्रमणध्वनी वरुन त्वरीत संपर्क करून निसटण्यासाठी सांगतात.प्रशासनातील कामचुकार व चेरीमेरी वृत्ती वाढल्याने शासनाच्या लाखो रुपयांच्या महसुलाला चुना लागला आहे.चौकट : -
गौण खनिजाची तस्करी करणाऱ्यांचे लागेबांधे थेट अधिकाऱ्यांशी योग्य कारवाई करण्यासाठी यापूर्वी तहसील कार्यालय समोर सर्वसामान्य जनतेने आंदोलनही केले, आंदोलन चीरडण्यासाठी प्रशासनाने थातुरमातुर लेखी आश्वासन दिलेले आहे.मात्र आजतागायत कठोर व कायमस्वरुपी माफीयांनवर कारवाई होत नसल्याने विनापरवानाबअवैद्य.व्यवसाय करणाऱ्यांनी पुन्हा आपले पाळेमुळे गाडली असून नव्या जोमाने शासनाच्या गौण खनिजांची जेसीबी,ट्रक व ट्रॅक्टरद्वारे मोठ्या प्रमानात वाहतूक होत आहे.चौकट : गौण खनिज उत्खनन.करतांना शेतशिवरातील लाखो रूपये किमतीची.वन संपदा मुळासकट जमीन दोस्त करण्यात येत आहे.त्यामुळे आहेत शिवार उजाळा रानात रुपांतरीत होत आहे.फोटो ओळी : सोयगाव- १) राॅयल्टी चुकवून जेसीबीच्या सहाय्याने दिवसाढवळ्या गौण खनिजाचे खोदकाम करून ट्रॅक्टर मधे भरतांना २) गौण खनिजांची चोरटी वाहतूक करतांना ट्रॅक्टर
.