पिंपळनेरमध्ये ‘हर घर तिरंगा’ अभियानांतर्गत भव्य तिरंगा रॅली
पिंपळनेर, दि. 13 (प्रतिनिधी – अंबादास बेनुस्कर)
स्वातंत्र्य दिनानिमित्त “हर घर तिरंगा” अभियानांतर्गत क्रांतिवीरांना अभिवादन आणि समाजात राष्ट्रभक्तीची भावना जागविण्याच्या उद्देशाने भाजपा पिंपळनेर शहर व ग्रामीण मंडळाच्या वतीने आज भव्य तिरंगा रॅलीचे आयोजन करण्यात आले.
रॅलीची सुरुवात नगरपरिषद, पिंपळनेर येथून करण्यात आली. त्यानंतर शहरातील प्रमुख मार्गांवरून मार्गक्रमण करत गांधी चौक, ब्राम्हण गल्ली मार्गे रॅलीचा समारोप करण्यात आला.
या उपक्रमात भारतीय जनता पक्ष, युवा मोर्चा, महिला मोर्चा यांच्यासह शहर व ग्रामीण मंडळातील पदाधिकारी, कार्यकर्ते तसेच राष्ट्रप्रेमी नागरिक मोठ्या संख्येने सहभागी झाले होते.
यावेळी 13 ऑगस्ट ते 15 ऑगस्ट 2025 दरम्यान प्रत्येक भारतीय नागरिकाने आपल्या घरावर तिरंगा ध्वज अभिमानाने फडकवावा, असे आवाहन आयोजकांच्या वतीने करण्यात आले.
छायाचित्र : अंबादास बेनुस्कर