पिशोर ग्रामपंचायतीच्या १७ जागांसाठी प्रभागनिहाय आरक्षण जाहीर; नागरिक व सामाजिक कार्यकर्त्यांची उपस्थिती
कन्नड | प्रतिनिधी अस्लम शेख
आगामी ग्रामपंचायत निवडणुकीच्या पार्श्वभूमीवर पिशोर ग्रामपंचायतीच्या १७ सदस्य जागांसाठी प्रभागनिहाय आरक्षण सोडतीचा कार्यक्रम गुरुवार, दि. १२ जून २०२६ रोजी ग्रामपंचायत कार्यालय पिशोर येथे उत्साहात पार पडला. सकाळी १० वाजता झालेल्या या कार्यक्रमास विस्तार अधिकारी पंचायत समिती कन्नड संतोष दारकुंडे, ग्रामविकास अधिकारी देविदास ढेपले तसेच गावातील सामाजिक व राजकीय कार्यकर्त्यांची उपस्थिती होती.
यावेळी ग्रामपंचायतीच्या एकूण १७ सदस्य जागांसाठी आरक्षण जाहीर करण्यात आले. त्यानुसार सर्वसाधारण महिला – ६, नागरिकांचा मागास प्रवर्ग (ना.मा.प्र.) – २, नागरिकांचा मागास प्रवर्ग महिला – २, अनुसूचित जाती महिला – १ आणि सर्वसाधारण – ६ अशा प्रकारे आरक्षण निश्चित करण्यात आले.
प्रभागनिहाय आरक्षण
प्रभाग क्रमांक १
सर्वसाधारण महिला
सर्वसाधारण महिला
सर्वसाधारण
प्रभाग क्रमांक २
ना.मा.प्र.
सर्वसाधारण महिला
सर्वसाधारण
प्रभाग क्रमांक ३
अनुसूचित जाती महिला
ना.मा.प्र. महिला
सर्वसाधारण
प्रभाग क्रमांक ४
ना.मा.प्र.
सर्वसाधारण
प्रभाग क्रमांक ५
सर्वसाधारण महिला
सर्वसाधारण महिला
सर्वसाधारण
प्रभाग क्रमांक ६
ना.मा.प्र. महिला
सर्वसाधारण महिला
सर्वसाधारण
यंदाच्या आरक्षण प्रक्रियेत मागील निवडणुकीत प्रभाग क्रमांक ३ मध्ये असलेली दोन सदस्यांची रचना बदलून यावेळी प्रभाग क्रमांक ४ मध्ये दोन सदस्य निश्चित करण्यात आल्याची चर्चा उपस्थितांमध्ये रंगली.
आरक्षण सोडतीच्या कार्यक्रमास माजी सरपंच कुंडलिक डहाके, दिलीप आप्पा नवले, राजू दगडू मोकासे, उमेश मोकासे, जावेद शेख, सूर्यभान दहेतकर, गणेश ठोकळ, महादू जाधव, अशोक जाधव, एजाज पठाण, युसुफ पठाण, गोपी नवले, आण्णा नवले, अंकुश जाधव, शांताराम जाधव, अमोल मोकासे, बबलू मोकासे, गणेश मोकासे, नारायण खडके, धीरज शेजवळ यांच्यासह ग्रामस्थ व सामाजिक कार्यकर्ते मोठ्या संख्येने उपस्थित होते.
कार्यक्रमाच्या यशस्वी आयोजनासाठी ग्रामपंचायतचे वरिष्ठ लिपिक रवी आप्पा निकम यांनी विशेष सहकार्य केले. यावेळी ग्रामपंचायत कर्मचारी व नागरिकांची लक्षणीय उपस्थिती होती.
अधिक स्थानिक बातम्यांसाठी सिल्लोड एक्सप्रेस (SX न्यूज) ला Subscribe, Like आणि Share करा./शाळा प्रवेश दिनानिमित्त पिशोर पोलिसांकडून विद्यार्थ्यांचे स्वागत; सुरक्षा व जनजागृतीचे धडे
कन्नड | प्रतिनिधी अस्लम शेख
शाळा प्रवेश दिनाचे औचित्य साधत पिशोर पोलीस ठाण्याच्या वतीने हद्दीतील जिल्हा परिषद प्राथमिक व माध्यमिक शाळांमध्ये विद्यार्थ्यांचे उत्साहात स्वागत करण्यात आले. यावेळी विद्यार्थ्यांना सुरक्षितता, शिक्षणाचे महत्त्व आणि सामाजिक जबाबदारीबाबत मार्गदर्शन करून जनजागृती करण्यात आली.
पोलीस अधीक्षक, छत्रपती संभाजीनगर (ग्रामीण) यांच्या आदेशानुसार राबविण्यात आलेल्या या विशेष उपक्रमात पोलिसांनी विद्यार्थ्यांशी थेट संवाद साधला. बाल सुरक्षा, POCSO कायदा, सायबर सुरक्षा, सोशल मीडियाचा सुरक्षित वापर, वाहतूक नियमांचे पालन, हेल्मेट व सीट बेल्ट वापरण्याचे महत्त्व तसेच अल्पवयीन मुलांनी वाहन चालवू नये याबाबत विद्यार्थ्यांना सविस्तर माहिती देण्यात आली.
तसेच, आपत्कालीन परिस्थितीत मदतीसाठी ११२ हेल्पलाईनचा वापर कसा करावा याची माहितीही विद्यार्थ्यांना देण्यात आली. शिक्षणाचे महत्त्व, शिस्तबद्ध जीवनशैली, सामाजिक जबाबदारी आणि देशाचे आदर्श नागरिक बनण्यासाठी आवश्यक मूल्ये विद्यार्थ्यांमध्ये रुजविण्यावर विशेष भर देण्यात आला.
या कार्यक्रमाला विद्यार्थ्यांनी उत्स्फूर्त प्रतिसाद दिला. उपक्रमांतर्गत सहाय्यक पोलीस निरीक्षक कुणाल सुर्यवंशी, पोलीस उपनिरीक्षक विश्वजीत फरताडे, सफौ कराळे तसेच पोलीस अंमलदार संजय दराडे, कौतिक सपकाळ, गणेश कवल, विजय भोटकर, दत्तू लोखंडे आणि अन्सार पटेल यांनी विविध शाळांना भेटी देऊन विद्यार्थी, पालक व शिक्षकांशी संवाद साधला.
कार्यक्रमास संबंधित शाळांचे मुख्याध्यापक, शिक्षकवृंद, पालक तसेच मोठ्या संख्येने विद्यार्थी उपस्थित होते. विद्यार्थ्यांच्या सुरक्षिततेसाठी आणि जनजागृतीसाठी पोलीस विभागामार्फत अशा उपक्रमांचे आयोजन भविष्यातही सातत्याने करण्यात येणार असल्याचे यावेळी सांगण्यात आले.